https://static.hindutamil.in/hindu/uploads/news/2023/05/18/large/992005.jpgதெற்காசிய கால்பந்து சாம்பியன்ஷிப் | ஒரே பிரிவில் இந்தியா, பாகிஸ்தான்; 5 ஆண்டுகளுக்கு பின்னர் மோதுகின்றன

புதுடெல்லி: தெற்காசிய கால்பந்து சாம்பியன்ஷிப் தொடருக்கான டிரா வெளியிடப்பட்டுள்ளது. இதில் இந்தியா, பாகிஸ்தான் அணிகள் ஒரே பிரிவில் இடம் பெற்றுள்ளன. இரு அணிகளும் 5 ஆண்டுகளுக்குப் பின்னர் நேருக்கு நேர் மோத உள்ளன.

14-வது தெற்காசிய கால்பந்து சாம்பியன்ஷிப் தொடர் வரும் ஜூன் 21 முதல் ஜூலை 4-ம் தேதி வரை பெங்களூருவில் உள்ள கண்டீரவா மைதானத்தில் நடைபெற உள்ளது. இந்த தொடருக்கான டிரா நேற்று டெல்லியில் இந்திய கால்பந்து சங்கம் சார்பில் நடத்தப்பட்டது. இதில் நடப்பு சாம்பியனான இந்தியா, பாகிஸ்தான், குவைத், நேபாளம் ஆகிய அணிகள் ‘ஏ’ பிரிவில் இடம் பெற்றுள்ளன. லெபனான், மாலத்தீவுகள், வங்கதேசம், பூடான் ஆகிய அணிகள் ‘பி’ பிரிவில் உள்ளன.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்