https://static.hindutamil.in/hindu/uploads/news/2023/05/17/large/991476.jpgடெல்லி கேபிடல்ஸுடன் இன்று பலப்பரீட்சை: பெரிய அளவிலான வெற்றியை எதிர்நோக்கும் பஞ்சாப்

தரம்சாலா: ஐபிஎல் டி20 கிரிக்கெட் தொடரில் இன்று இரவு தரம்சாலாவில் நடைபெறும் ஆட்டத்தில் பஞ்சாப் கிங்ஸ் - டெல்லி கேபிடல்ஸ் அணிகள் மோதுகின்றன. இந்த ஆட்டத்தில் பெரிய அளவிலான வெற்றியை வசப்படுத்தி பிளே ஆஃப் சுற்றுக்கு முன்னேறும் வாய்ப்பை தக்கவைத்துக்கொள்வதில் பஞ்சாப் அணி முனைப்பு காட்டக்கூடும்.

ஐபிஎல் தொடரில் இந்த சீசன் பஞ்சாப் கிங்ஸ் அணிக்கு ரோலர் கோஸ்டர் போன்று ஏற்ற இறக்கமாக உள்ளது. 12 ஆட்டங்களில் விளையாடி உள்ள பஞ்சாப் சம அளவிலான வெற்றியையும் சம அளவிலான தோல்வியையும் பதிவு செய்துள்ளது. 12 புள்ளிகளுடன் பட்டியலில் 8-வது இடத்தில் இருக்கும் பஞ்சாப் அணி இன்னும் பிளே ஆஃப் சுற்றுக்கு தகுதி பெறுவதற்கான பந்தயத்தில் நீடிக்கிறது. எனினும் அந்த அணி நிகர ரன்ரேட்டை (-0.269) கணிசமாக உயர்த்த வேண்டிய கட்டாயத்திலும் இருக்கிறது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்