சாதியக் கட்டமைப்பு: அழிவின் விளிம்பில் மண்பாண்டத் தொழில் - ஒரு சிறப்பு பார்வை

2,600 ஆண்டுகளுக்கு முன்பு குயவுத் தொழில் எவ்வளவு செழித்து வளர்ந்திருந்தது என்பதை அகழாய்வுகளின் வழியாக உணர முடிகிறது. மனிதர்களின் அன்றாட வாழ்க்கையில் இரண்டறக் கலந்திருந்த மண்பாண்டங்கள் படிப்படியாகக் காணாமல் போய்விட்டன. சமையல் பாத்திரங்கள் அனைத்தும் உலோகத்துக்கு உருமாறி, நமது சமையலறைகளை ஆக்கிரமித்துக்கொண்டுள்ளன. இந்நிலை நீடித்தால் இன்னும் 20 ஆண்டுகளில் மண்பாண்டத் தொழிலே அழிந்துவிடக்கூடும்.

இத்தொழிலைக் காப்பாற்றுவதற்கு மண்பாண்டத் தொழிலுக்கான சிறப்புப் பொருளாதார மண்டலத்தை உருவாக்குவது குறித்துத் திட்டமிடப்பட வேண்டும். போதிய இடமில்லாத காரணத்தால் மண்பாண்டத் தொழிலை மேற்கொள்ள முடியாதவர்களுக்கான பொதுக் களமாக இம்மண்டலங்கள் செயல்பட வேண்டும். மேலும், இத்தொழிலைக் கற்றுக்கொள்ள விரும்புபவர்களுக்கு இலவசப் பயிற்சிப் பள்ளியும் அங்கு நடத்தப்பட வேண்டும்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்